កំរងវិញ្ញាសាត្រៀមប្រលងចូលពន្ធនាគាភាគទី២
1- តើលទ្ធិប្រជាធិបតេយ្យមានគោលការណ៍សំខាន់ៗអ្វីខ្លះ?
ចំ-លទ្ធិប្រជាធិបតេយ្យមានគោលការណ៍សំខាន់ៗដូចជា :
-ពលរដ្ឋទាំងអស់មានសិទ្ធស្មើរគ្នាចំពោះមុខច្បាប់ នឹងការអប់រំ
-ពលរដ្ឋគ្រប់រូបមានសេរីភាពក្នុងការនិយាយស្តី បង្កើតសមាគមន៏ នឹងក្នុងជំនឿសាសនា
-ពលរដ្ឋមានសិទ្ធចូលរួមប្រជុំធ្វើបាតុកម្ម
ឬបញ្ញាត្តិ ដោយសន្តិវិធី
-ពលរដ្ឋមានសេរីភាពក្នុងការបញ្ចេញមតិយោបលខ្លួនសេរីភាពសាព័ត៏មានសេរីភាព
ការបោះពុម្ព ផ្សាយ
-ការគ្រប់គ្រងត្រូវផ្អែកតាមច្បាប់
ដែលយកទៅអនុវត្តលើប្រជាពលរដ្ឋ រដ្ឋាភិបាលនិងស្ថាប័នរដ្ឋ
-សភា និង រដ្ឋាភិបាលត្រូវកើតឡើងដោយការបោះឆ្នោត
ទៀងទាត់តាមកាលកំណត់
-ការបោះឆ្នោតត្រូវមានពហុគណ:បក្សនយោបាយចូលរួម និងបោះឆ្នោតដោយសេរីត្រឹមត្រូវយុត្តិធម៏
-ពលរដ្ឋមានសិទ្ទបោះឆ្នោតនឹង
ឈរឈ្មោះជាតំណាងរាស្រ្ត
-អំណាចតុលាការត្រូវតែឯករាជ ពោលគឺជម្រះក្តីរឺកាត់ក្តីដោយយុត្តិធម៏
-ដូច្នេះកត្តាទាំងអស់ខាងលើនេះដែលធ្វើអោយលទ្ធិប្រជាធិបតេយ្យរីកចំរើនស្ទើរពាសពេញ
ពិភពលោក។
2-ដូចម្តេចដែលហៅថាលិខិតរដ្ឋបាល? ចែកចេញជាប៉ុន្មានប្រភេទ?
ចំ-លិខិតរដ្ឋបាលគឺជាសំបុត្រស្នាមឬជាអត្តបទដែលត្រូវបានធ្វើឡើងជាលាយលក្ខណ័អក្សរ
ដើម្បីទំនាកទំនងកិច្ចការប្រចាំថ្ងៃរបស់រដ្ឋបាល។ នៅក្នុងការអនុវត្តន៍យើងធ្វើចំណាត់ថ្នាក់លិខិតរដ្ឋបាល
ជាពីរប្រភេទគឺ លិខិតរដ្ឋបាលសាមញ្ញ និង លិខិតរដ្ឋបាលមានលក្ខណ:ជាច្បាប់។
3-តើកម្មវិធីកំណែទម្រង់សំខាន់ៗ
របស់រាជរដ្ឋាភិបាលមានអ្វីខ្លះ?
ចំ-កម្មវិធីកំណែទម្រង់សំខាន់ៗ របស់រាជរដ្ឋាភិបាលមាន:
-កំណែទម្រង់វិមជ្ឃការ និងវិសហមជ្ឃការ
-កំណែទម្រង់ការគ្រប់គ្រងហិរញ្ញវត្ថុសាធារណ:
-កំណែទម្រង់រដ្ឋបាលសាធារណ:
4-ដូចម្តេចដែលហៅថានិតិរដ្ឋ?
ចំ-និតិរដ្ឋ គឺជារដ្ឋដែលគ្រប់គ្រងដោយច្បាប់ក្នុងការបំពេញសកម្មភាពរបស់ខ្លួន
ការពារសិទ្ទិសេរីភាពតម្លៃ របស់បុគ្គល ហើយអំណាចរបស់រដ្ឋគឺកើតចេញពីឆន្ទ:របស់ប្រជាពលរដ្ឋ(ច្បាប់ត្រូវតែសុក្រឹត និង
យុត្តិធម៏) ។
5-គោលការណ៍សំខាន់របស់និតិរដ្ឋមានប៉ុន្មាន? អ្វីខ្លះ?
I-រដ្ឋាភិបាលទាំងមូល ស្ថាប័នរដ្ឋ
ស្ថាប័នឯកជន រូបវ័ន្តបុគ្គល និតិបុគ្គល និងគ្រប់អ្វីទាំងអស់នៅ ក្នុងសង្គមត្រូវតែស្ថិតនៅក្រោមច្បាប់ទាំងអស់គ្នា
ពោលគឺគ្មានបុគ្គលណាមួយនៅលើច្បាប់ឡើយ
II-ច្បាប់ត្រូវតែចែងច្បាស់លាស់
បម្រើផលប្រយោជន៍ទូទៅ មិនមែនសម្រាប់បុគ្គលណាមួយ ឫក្រុម ណាមួយជាពិសេសនោះទេ
ហើយមិនកែប្រែនោះទេ គឺយុត្តិធម៍អាចការពារសិទ្ធិគ្រប់បុគ្គលទាំងអស់
III-ច្បាប់ត្រូវអនុម័តដោយតំណាងរបស់ប្រជាពលរដ្ឋ
គឺមានរដ្ឋសភា ព្រឹទ្ធសភាជាដើម ហើយត្រូវតែ យកទៅអនុវត្តដោយប្រសិទ្ធភាព និង តម្លាភាព
IV-យុត្តិធម៍ត្រូវតែផ្តល់ទៅអោយសមាជិកសង្គមដូចៗគ្នាទាន់ពេល
ប្រកបដោយវិជ្ជាជីវ:មិនមែន
អាស្រ័យលើមនុស្សម្នាក់ ឫ
មួយក្រុមនោះទេ
6-ដូចម្តេចដែលហៅថាឯកសាក្របខ័ណ្ខច្បាប់?
ចំ-ឯកសាក្របខ័ណ្ខច្បាប់ គឺជាលិខិតបទដ្ឋានគតិយុត្តិ ដែលរួមមានច្បាប់
ព្រះរាជក្រឹត អនុក្រឹត ប្រកាស សេចក្តីសម្រេច សេចក្តីណែនាំ ដីកា នឹងលិខិតតុបករណ៍ផ្សេងៗទៀត។
7-ដូចម្តេចដែលហៅថាអភ័យឯកសិទ្ធិ?
ចំ-អភ័យឯកសិទ្ធិ គឺជាសិទ្ធិពិសេសមួយ សំដៅធានាការពារអ្នកតំណាងរាស្រ្តឪ្យរួចផុតពីការចោទប្រកាន់
ចាប់ខ្លួន ឃុំខ្លួន និង ការដាក់ទោស។
8-តើធាតុសំខាន់ៗនៃរដ្ឋមួយមានអ្វីខ្លះ?
ចំ-ធាតុសំខាន់ៗនៃរដ្ឋមួយមាន
-
ផែនដី
-
ប្រជាពលរដ្ឋ
-
អំណាចនយោបាយ
-
អធិបតេយ្យភាព
9-ដូចម្តេចដែលហៅថារបាយការណ៍?
ចំ-របាយការណ៍ ជាលិខិតរដ្ឋបាលមួយប្រភេទ សម្រាប់ធ្វើសេចក្តីរាយការណ៍ជាលាយលក្ខណ៍អក្សរ
អំពី សកម្មភាពដំណើការ និងលទ្ធផលការងាររបស់អង្គភាពដែលបានបំពេញ ឫរបស់បុគ្គលិកដែលបានចាត់
តាំងឪ្យទៅបំពេញ កិច្ចការអ្វីមួយ ក្នុងគោលបំណងរាយការណ៍ជូនថ្នាក់ដឹកនាំ និង អង្គភាពពាក់ពន្ធ័។
10-ទំរង់ទូទៅនៃលិខិតរដ្ឋបាលមានប៉ុន្មានផ្នែក?
ចំ-ទំរង់ទូទៅនៃលិខិតរដ្ឋបាលមាន
៤ផ្នែក
-ផ្នែកក្បាល(ប្រទេស បាវចនា រូបសញ្ញា ប្រភព
លេខ អក្សរកាត់ ទីកន្លែង និងកាលបរិច្ឆេទ)
-ផ្នែកមូលបទ(ចំណងជើង ពាក្យគួរសម ងារស័ក្តិអ្នកទទួលលិខិត កម្មវត្ថុ
និងយោង)
-ផ្នែកខ្លឹមសារ (ខ្លឹមសារ ល្បះស្នើសុំ ល្បះគួរសម
និងឯកសារភ្ជាប់)
-ផ្នែកបញ្ចប់ (មុខដំណែង ហត្ថលេខី ហត្ថលេខា
ត្រា ឈ្មោះហត្ថលេខី ចម្លងជូន និងទំនាក់ទំនង)
0 Comments